Pare, Erap Guilty

HINDI KO NA ipagsisigawan dahil sigurado akong alam na alam nyo na ang balita kung may TV kayo, dyaryo, radyo o internet connection. Guilty sa kasong pandarambong o plunder si dating-artista-dating-mayor-dating-senador-dating-bise-presidente-dating-presidente Joseph “Erap” Estrada. Pero ilan sa atin ang tunay na nakakaintindi sa kaso? Marami sa mga Erap supporters na nagpunta sa Sandiganbayan kanina ang in-interview sa TV, tinanong kung anong pakaintindi nila sa “plunder”. May nagkamot ng ulo, may umaming di nila alam at meron din namang ang akala ay tungkol iyon sa maraming babae ni Erap. Nyaahhh! Hindi ako nag-aral ng law pero eto ang pagkakaalam ko sa mga pangyayari kahapon.

Not guilty sa kasong plunder sila Sen. Jinggoy Estrada at dating presidential legal counsel Edward Serapio.

Not guilty din si Erap sa kasong perjury o pagsisinungaling sa korte tungkol sa maling assets and liability na kanyang sinabi dahil hindi napatunayan ng mga prosecutors na ginawa iyon ni Erap “with criminal intent”.

Not guilty din si Erap tungkol sa P130 million Tobacco Excise Tax na sinasabi ni Ilocos Gov. Luis “Chavit” Singson na binigay niya kay Erap sa pamamagitan ni sinasabing gambling lord Charlie “Atong” Ang, na kaibigan ni Erap. Ayon sa Sandiganbayan judges, hindi napatunayan ng mga prosecutors na kay Erap nga napunta ang pera.

Guilty ang dating presidente sa kasong pagtanggap ng Jueteng payola na nagkakahalaga ng P545.3 million, kasama na ang P200 million na dineposito sa Erap Muslim Youth Foundation na pinamumunuan ni Atty. Edward Serapio.

Guilty din si Erap sa pagtanggap ng komisyon na nagkakahalaga ng P189 million sa pagpwersa nya sa GSIS at SSS na bumili ng shares ng private company na Belle Corporation. Dito sya na-convict sa kasong plunder dahil pera ng gobyerno ang ginamit sa pagbili ng shares na tumanggap sya ng komisyon.

Ang parusa ay Reclusion Perpetua o pagkakabilanggo ng hindi hihigit sa 40 years. Sinabi ni Erap lawyer dating senador Rene Saguisag na handang magpakulong si Erap sa Muntinlupa Penitentiary kanina din subalit inutos ng Sandiganbayan na ibalik si Erap sa house arrest sa mansyon nito sa Tanay, Rizal hanggat hindi nila inuutos na ilipat na si Erap. Nag-apila na rin ang kampo ni Erap sa Supreme Court na sinasabing maaaring umabot ang review ng kaso mula 1 hanggang 3 taon pa.

In the meantime, abangers muna tayo sa mga susunod na kaganapan.